ភ្នំពេញ៖ អាជ្ញាធរបានឃាត់ខ្លួនបុគ្គលឈ្មោះ ហុក ប៊ុនរ៉េត ដែលបន្លំធ្វើព្រះរាជក្រឹត្យក្លែងក្លាយដោយតាំងតែងខ្លួនឯងជាជំនួយការសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានឋានៈស្មើរដ្ឋលេខាធិការ និងតែងតាំងខ្លួនឯងជាអគ្គនាយករងនៃអគ្គនាយកដ្ឋានធនធានមនុស្ស។

ជនសង្ស័យត្រូវបានឃាត់ខ្លួននៅថ្ងៃទី១៥ ខែកញ្ញា ឆ្នាំ២០២៣ ក្នុងរាជធានីភ្នំពេញ។ ជនសង្ស័យបានសារភាពថារូបខ្លួនពិតជាបានក្លែងឯកសារព្រះរាជក្រឹត្យពិតមែន ដោយក្លែងចំនួន២ច្បាប់ ក្នុងនោះក្លែងតែងតាំងរូបខ្លួនជាអគ្គនាយករងនៃអគ្គនាយកដ្ឋានធនធានមនុស្ស និងព្រះរាជក្រឹត្យមួយទៀត ក្លែងតែងតាំងជាជំនួយការសម្តេចធិបតី ហ៊ុន ម៉ាណែត។

ជនសង្ស័យបានប្រាប់ឱ្យដឹងថា រូបខ្លួនបានបន្លំធ្វើព្រះរាជក្រឹត្យនោះតាមកុំព្យូទ័រដោយប្រើវិធី Microsoft Word និង Adobe Photoshop។

ពាក់ព័ន្ធឹនឹងករណីនេះ ឧុទ្ទកាល័យសម្តេចធិបតីនាយករដ្ឋមន្ត្រី ហ៊ុន ម៉ាណែត បានស្នើឱ្យមានការប្រុងប្រយ័ត្នកុំចាញ់បោកជនខិលខូច និងស្នើឱ្យអាជ្ញាធរមានសមត្ថកិច្ចចាត់វិធានការចំពោះជនល្មើស និងបក្សពួកតាមនីតិវិធីច្បាប់។

ឧុទ្ទកាល័យសម្តេចធិបតីនាយករដ្ឋមន្ត្រីបញ្ជាក់ថា ជនខិលខូចទាំងនោះមានបំណងធ្វើដូច្នេះដើម្បីសុំឱ្យអាជ្ញាធរដែលនៅតាមកន្លែងចំនួនជួយសហការ ក្នុងគោលបំណងកេងប្រវ័ញ្ចទាញយកផលប្រយោជន៍ផ្ទាល់ខ្លួន៕